काठमाडौं । चर्चित गायिका मेलिना राई र गायक समिर सिंगक लिम्बुको आवाजमा सजिएको नयाँ गीत दर्शक÷श्रोतामाझ सार्वजनिक भएको छ । नयाँ वर्ष २०७६ को अवसरमा ‘फेवा तालैमा’ गीतको भिडियो सार्वजनिक भएको हो ।
प्रकाश थुलुङको शब्द तथा मान थुलुङको संगीतमा गीतलाई विश्व अधिकारीले एरेञ्ज गरेका हुन् । गीतको भिडियोलाई निर्माता तथा कलाकार देउ कृष्ण देवन याख्खा लिंखाले निर्देशन गरेका हुन् । भिडियोको कन्सेप्ट पनि निर्देशक देउ कृष्ण देवनकै रहेको छ ।
निर्देशक देउ कृष्ण देवनले गीतको बारेमा बाल्दै भने, ‘नयाँ वर्षको अवसरमा दर्शक तथा श्रोतामाझ शुभकमना स्वरुप लोक पूवेली गीत ‘फेवा तालैमा’ सार्वजनिक गरेका हौं ।’
गीतको भिडियोमा पूर्वका चर्चित पत्रकार टिआर सेनेहाङ्ग, चन्दा ल्वाहाङ्ग कुरुम्बाङ्ग, शिखा पयाङ्गो, दीपा सेनेहाङ्ग लगाएत कलाकारहरुले फिचरिङ गरेका छन् । भिडियोलाई सुरेन सेनेहाङ्ग लिम्बुले छायाङ्कन गरेका हुन्, भने अनुप पौडेलले सम्पादन गरेका हुन् ।
[embedded content]यो समाचार नयुज २४ नेपालबाट लिईएको हो।
