काठमाडौं/एजेन्सी । तापसी पन्नु र भूमि पेड्नेकर अभिनित फिल्म ‘सांड की आंख’को फस्र्ट लुक सार्वजनिक भएको छ । यो भन्दा पहिले पनि केही तस्वीरहरु बारिएको थियो, तर तापसी पन्नु र भूमि पेड्नेकरको लुक पहिलो पटक सार्वजनिक गरिएको हो । फिल्मको सार्वजनिक पोष्टरमा तापसी र भूमि दुवै अजुरआमाको भूमिकामा देखिएका छन् । उनीहरुले आफूलाई बुढी देखिनका लागि मेकअप टेक्निक प्रयोग गरेका छन् । यो फिल्म आगामी तिहारबाट दर्शकमाझ रिलिज गरिनेछ ।
फिल्मको रिलिज मिति पनि पोष्टरमै सार्वजनिक गरिएको छ । फिल्म ‘सांड की आंख’को दुई पोष्टर रिलिज भएको छ । फिल्मको पहिलो पोष्टरमा तापसी र भूमि घाँघरा र कुर्तामा सजिएका छन् । पोष्टरसँगै ट्यागलाइन दिइएको छ, ‘तन बुढा भएपनि मन बुढा हुँदैन ।’
फिल्मको अर्को पोष्टरको ट्यागलाइनमा लेखिएको छ, ‘६० वर्षमा ७०० मेडल जिते ।’ तापसीले ‘सांड की आंख’को पहिलो पोष्टर सेयर गर्दै लेखेकी छन्, ‘यो वर्षको तिहारमा पटाका होइन, गोली चल्छ !’
अर्कोतर्फ अर्की अभिनेत्री भूमिले फिल्मको पोष्टरलाई सेयर गर्दै लेखेकी छन्, ‘यो रोल अहिलेसम्मको मुस्किल र प्ररणा दिने भूमिका मध्ये एक हो ।’
यो फिल्ममा तापसी र भूमिको अलवा प्रकाश झा र विनिता सिंह पनि मुख्य भूमिकामा छन् । फिल्मलाई निधि परमार र अनुराग कश्यापले प्रोड्युस गर्दैछन् । तुषार हिरानंदानीले फिल्मलाई निर्देशन गर्दैछन् ।
यो समाचार नयुज २४ नेपालबाट लिईएको हो।
