मुम्बई । एसएस राजामौलीको फिल्म ‘बाहुबली’ मा कटप्पाको भुमिका निर्वाह गरेका दक्षिण भारतीय स्टार सत्यराजको अभिनय अझै पनि धेरैले सम्झिरहेका छन् । अत्यधिक रुचाइएका उनी नायक प्रभाषसँगैको उचाई कायम राख्न सफल रहे ।
‘बाहुबली– द बिगनिङ’ को रिलिज पछि ‘बाहुबली– द कन्क्लूजन’ आउने समयसम्म घरघरमा ‘आखिर कटप्पाले बाहुबलीलाई किन मार्यो ?’ भन्ने उत्सुकता दर्शकमा चलिरह्रयाे ।यस्तैमा बलिउड समाचार अनुसार मणिरत्नमको आगामी फिल्म ‘पोन्निनी सेल्वम’मा तिनै कटप्पा अर्थात सत्यराजले ऐश्वर्या रायसँग रोमान्स गर्ने भएका हुन्। सत्यराज यस फिल्ममा ऐश्वर्याको पतिको भूमिकामा देखिँदैछन्।
साथै यस फिल्ममा ऐश्वर्याका ससुरा अमिताभलाई पनि अनुबन्धित गरिने बताइएको छ ।यद्यपी अमिताभले फिल्मका लागि लिखित सहमती दिइसकेका छैनन् तर ऐश्वर्याले भने स्विकृती दिइसकेकी छिन् ।
यो फिल्म एक चर्चित तामिल उपन्यासमा आधारित रहने छ । जसमा ऐश्वर्या एक राजकुमारीको भूमिकामा देखिँदैछन्। राजकुमारीको विवाह एक राजासँग हुन्छ तर विवाहलाई आफ्नो इच्छा पूर्ति गर्ने माध्यमको रूपमा अर्थात उनले सम्वन्धलाई गलत रुपमा प्रयोग गर्छिन्।
यो समाचार नयुज २४ नेपालबाट लिईएको हो।
