काठमाडौं/एजेन्सी । पछिल्लो समय बलिउडमा बायोपिक फिल्महश्र धमाधम निर्माण हुन थालेका छन् । महेन्द्र सिंह धोनी, मेरी कोम लगाएतका खेलाडीहरुको बायोपिकमा फिल्महरु बनिसकेका छन्, भने बक्स अफिसमा पनि राम्रो ब्यापार गरेको थियो । साथै समाचारमा आएअनुसार अर्का एक खेलाडी पीटी उषामाथि पनि फिल्म बन्ने भएको छ ।
यो फिल्मको लागि अभिनेत्री प्रियंका चोपडालाई फाइनल गरिएको थियो, तर अहिले आएर यो फिल्ममा अर्की अभिनेत्री क्याट्रिना कैफलाई लिइने भन्ने समाचार भाइरल बन्न थालेका छन् । डीएनएमा पब्लिस भएको रिपोर्ट अनुसार फिल्ममेकर रेवती एस वर्माले यो फिल्मलाई दिर्देशन गर्नेछन्, भने फिल्ममा प्रियंकालाई क्याट्रिनाले रिप्लेस गर्नसक्नेछन् ।
यो फिल्मको लागि अभिनेत्री प्रियंकालाई धेरै समय पहिले देखिनै अफर आएको बताइएको छ । उक्त समयमा प्रियंका अर्को बायोपिक फिल्म मेरी कोममा ब्यस्त थिइन् । त्यसपछि प्रियंकाले हलिउडमा इन्ट्री गरिन् । अहिले आएर यो फिल्मको लागि अर्की अभिनेत्री क्याट्रिनाको नाम चर्चामा छ । यदि यो फिल्ममा क्यट्रिनाले काम गर्छन्, भने उनको यो पहिलो बायोपिक फिल्म हुनेछ ।
फिल्मसँग जोडिएको एक श्रोतका अनुसार यस बायोपिकलाई धेरै भाषामा रिलिज गरिनेछ । फिल्ममा पीटी उषाको जीवनसँग जोडिएका कयौं उपलब्धिहरुलाई प्रस्तुत गरिनेछ । पीटी उषाले करियरमा १०१ भन्दा बढी इन्टरनेशनल मेडल्सलाई आफ्नो नाममा पारेकी छन् । उनलाई पद्माश्री पुरस्कारबाट पनि सम्मानित गरिएको छ । अहिले उनी रेलवेमा बतौर अफिसरको काम गरिरहेकी छन् ।
अहिलेको समयमा क्याट्रिना कैफ आफ्नो नयाँ प्रोजेक्टमा ब्यस्त छन् । उनको फिल्म ‘भारत’ इदको अवसरमा ५ जुनबाट दर्शकमाझ रिलिजमा आउँदैछ । यो फिल्ममा सलमान खान र दिशा पटानी पनि मुख्य भूमिकामा देखिदैछन् । यसका साथै क्याट्रिना रोहित शेट्टीको फिल्म ‘सूर्यवंशी’मा पनि काम गरिरहेकी छन् । यो फिल्मको उनको अपोजिटमा अक्षय कुमार छन् ।
यो समाचार नयुज २४ नेपालबाट लिईएको हो।
