अष्ट्रेलिया । अस्ट्रेलियामा बस्दै आएका नेपाली कलाकारहरुको गीत संगीत प्रतिको मोह गज्जबको छ। बिदेशको ब्यस्त दैनिकीका बावजुद पनि नेपाली गीत संगीतको बिकास र विस्तारमा नेपाली कलाकारहरुले पु–याएका योगदान ठूलो छ।
विगत १० वर्षदेखि अस्ट्रेलियामा बस्दै आएका गायक प्रकाश कार्कीले नयाँ गीत ‘बिश्वास’ सार्वजनिक गरेका छन् । सानैदेखि गीत संगीतमा निकै रुचि राख्ने गायक कार्की पेसाले सिभिल इन्जिनियर हुन् ।
केही दिन अघि उनको नयाँ गीत ‘बिश्वास’ डिजिटल बजारमा सार्वजनिक भएको छ । यस गीतलाई मिडिया र दर्शकबाट राम्रो प्रतिक्रिया प्राप्त भैरहेको छ । यस गीतमा स्वर गायक प्रकाश कार्कीको रहेको छ भने शब्द र संगीत प्रकाश कार्की र स्वतन्त्र सङ्म्यानको रहेको छ ।
गीतको एरेञ्जमेन्ट गोपाल रसाइलीले गरेका हुन् । हाल लिरिकल भर्सनमा उपलब्ध यस गीतको अफिसियल भिडियो आउने तयारीमा छ।
यो समाचार नयुज २४ नेपालबाट लिईएको हो।
