काठमाडौं । करिव एक वर्षअघि विवाह गरेका क्रिकेटर विराट कोहली र अभिनेत्री अनुष्का शर्मा यतिखेर घरजममा रमाइरहेका छन् । भारतमा यी जोडीलाई एक आदर्श जोडीका रुपमा लिइन्छ ।
यस्तैमा हालै एक मिडियामा अन्तर्वार्ता दिने क्रममा विराटले आफ्नो पहिलो क्रस अनुष्का नभएको खुलाएका छन् । उनले आफु सानैदेखि करिश्मा कपूरको फ्यान भएको र उनी नै पहिलो क्रस भएको बताएका छन् ।उनले आफु स्कुल पढ्दा देखिनै करिश्माको फिल्म धेरै हेर्नै र मनमनै उनैलाई प्रेम गर्ने गरेको बताएका छन् ।
त्यसो त विराटले अन्तर्वार्तामा पहिलो क्रस करिश्मा कपूर भएको बताएता पनि उनको अनुश्का भन्दा अगाडि २ जना युवतीहरुसँग अफेयर रहेको थियो । एक हुन् फिल्म बाहुबलीकी नायिका तमन्ना भाटिया अर्की भने ब्राजिलियन नायिका इजाबेल लिट ।
स्याम्पुको एक विज्ञापनमा सँगै मोडलिङ गर्ने क्रममा नजिकिएका विराट र अनुष्काको सम्बन्ध बिस्तारै प्रेममा परिणत भएको थियो । जतिबेला विराट क्रिकेट खेलबाट उचाईमा पुगेका थिए भने अनुश्का पनि बलिउडमा स्थापित हुँदैथिइन्। विराटले अन्ततः ४ वर्ष लामो अनुष्का सँगको प्रेम सम्बन्धलाई सफल बनाउँदै सन् २०१७ मा इटालिमा भब्य विवाह गरेका थिए ।
यो समाचार नयुज २४ नेपालबाट लिईएको हो।
