काठमाडौं । गुरु भोटियाको संगीतमा नयाँ गीत सार्वजनिक भएको छ । एक दर्जन भन्दा बढी गीतमा संगीत भरिसकेका भोटियाको ‘कहाँ होला’ गीतको भिडियो युट्युव मार्फत सार्वजनिक गरिएको हो । सोनाम डोमा भोटियाको शब्द तथा पवित्रा गुरुङको आवाजमा ‘कहाँ होला’ गीतलाई गुरु भोटियाले आकर्षक संगीत दिएका छन् ।
सार्वजनिक गरिएको गीतको भिडियोमा फुलन्देकी आमा नामले परिचित कलाकार उमेश राई फिचर्ड छन् । भिडियोमा उनलाई खुम गाउँलेले सपोर्ट गरेका छन् । खुम गाउँले राष्ट्रिय भलिबल खेलाडी हुन् ।
गीतको भिडियोलाई मदन खड्काले निर्देशन गरेका हुन्, भने वीरेन्द्र भट्टले छायाङ्कन गरेका हुन् । भिडियोमा विकाश ज्ञावलीको सम्पादन रहेको छ । संगीतकार भोटिया गीतकार समेत हुन् । उनले फिल्म र एल्बम गरी सयको हाराहारीमा गीत लेखिसकेका छन् ।
[embedded content]यो समाचार नयुज २४ नेपालबाट लिईएको हो।
