धादिङ । धादिङमा ट्रक पल्टिदा एक जनाको ज्यान गएको छ, भने तीन जना घाइते भएका छन् । ब्रेक फेल भएपछि उक्त ट्रक पल्टिएको हो ।
बा २ ख ९७५० नम्बरको ट्रक ज्वालामुखी गाउँपालिका वडा नं ४ सुनखानी काउले डाँडामा दुर्घटना भएको प्रहरीले बताएको छ ।
जिल्ला प्रहरी कार्यालय धादिङका अनुसार सदरमुकामबाट सामान लिएर जाँदै गरेको ट्रक दुर्घटना भएको हो । उक्त ट्रकमा सवार कृष्ण रम्तेलको घटनास्थलमा नै ज्यान गएको प्रहरीले बताएको छ ।
ट्रक दुर्घटनामा घाइते भएकाहरु चालक दिवाकर ढकाल, ट्रकमा सवार विनु सुनार र उनकी २ वर्षकी छोरी कपिज सुनार रहेका छन् ।
यो समाचार नयुज २४ नेपालबाट लिईएको हो।
