काठमाडौं । नायिका रेखा थापाले रेखा फिल्म्सको ब्यानरमा नयाँ चलचित्र निर्माणको थालनी गरेकी छिन् ।
नवनिर्मित फिल्मलाई निर्देशक रेनशा बान्तवा राईले निर्देशन गर्ने भएकी छिन् ।रेखाले फिल्म निर्देशनको जिम्मा रेनशालाई दिने सहमतिसँगै दुईबीच कागजी सम्झौता गरिएको हो । यद्यपी फिल्मको नाम भने फाइनल गरिएको छैन । कथा लेखनको काम भने तिब्र गतीमा भइरहेको छ ।
कोरियोग्राफर तथा निर्देशक रेनशाले निर्देशन गरेको पहिलो चलचित्र ‘इन्टु मिन्टु लण्डनमा’ले बक्स अफिसमा औषत कमाई गरेपनि उनको कामले भने तारिफ पाएको थियो । रेनशा अहिले दोश्रो चलचित्र ‘आई एम ट्वान्टी वान’ निर्देशन गर्ने तयारीमा छिन् । यही विचमा उनले रेखाको ब्यानरमा काम गर्न लागेकी हुन् ।
रेखा फिल्म्सको ब्यानरमा निर्माण हुन लागेको यो छैठौ फिल्म हो जसको छायांकन माघदेखि सुरु गरिने बताइएको छ ।
यो समाचार नयुज २४ नेपालबाट लिईएको हो।
