एजेन्सी । सलमान खानको सुपरहिट सिरिज ‘दबंग’को पहिलो भागमा मलाइका अरोडाले ‘मुन्नी बदनाम हुई’ भन्ने गीतमा कम्मर मर्काएको निकै रुचाइएको थियो । यसै फिल्मको दास्रो भागमा पनि उनी देखिएकी थिइन्, यी दुवै सिरिजका प्रोड्युसर मलाईकाको पूर्वपति अरबाज खान र मलाईका स्वयं रहेकी थिइन् ।
यसै फिल्मको तेस्रो सिक्वेल ‘दबंग ३’को अहिले धमाधम शुटिङ चलिरहेको छ । यस फिल्मको डाइरेक्शन प्रभु देवाले गरिरहेका छन् । हालै मलाईकासँग गरिएको एक अन्तर्वार्तामा ‘दबंग ३’मा उनको सहभागिताबारे सोधिएको थियो ।जसमा उनले अब यस फिल्ममा आफु नरहेको जवाफ दिएकी छिन् ।उनले भनिन् ‘यस फिल्मका कलाकारहरु धेरै अगाडि बढिसकेका छन् र म ति सबैलाई शुभकामना दिन चाहन्छु ।’
उनले अगाडि भनिन् कि- ‘ मसँग धेरै आइडियाहरु फुरेका छन् हुनसक्छ म छोटो फिल्म बनाउँछु या अरु त्यो बिस्तारै थाहा हुँदै जान्छ ,म सँग प्रशस्त समय छ । यो मेरो जिन्दगीको सबैभन्दा उत्तम समय हो, महिलाको ४० वर्षपछि बल्ल जिन्दगी शुरु हुन्छ ।किनकि उनीहरु यतिबेला कामबाट सफलता पाउन सक्छन् ।’
पति अरबाजसँग सम्वन्धबिच्छेद गरेपछि मलाईका नायक अर्जुन कपूरसँग डेटमा रहेकी छिन् । यसैकारण पनि उनी सलमान तथा अरबाजको फिल्म ‘दबंग ३ बाट हटाईएको समाचार बाहिरिएको छ ।
यो समाचार नयुज २४ नेपालबाट लिईएको हो।
