- कृष्ण पाण्डे
बुटवल । तीज पर्व नजिकिए संगै तीजका गीतहरु आउने क्रम बढ्दो छ । यो बर्षको तीज गीतको भिडमा सञ्चारकर्मी, उद्घोषक एवं गायिका शितल शर्माको तीजगीत यतिबेला युट्युबमा सार्बजनिक भए लगत्तै धमाका मच्चाएको छ ।
गायक तथा सर्जक बैकुण्ठ महतको शब्द,अर्का चर्चित गायक खुमन अधिकारीको लय सिर्जनामा तयारी पारिएको ‘चौतारी’ बोलको गीत बजारमा आएको हो।
गायिका शर्माले गत वर्ष ‘महारानी’ बोलको तीजगीत ल्याएकी थिइन् । यो वर्ष पनि उनले नारीहरूको महान चाँड हरीतालिका तिजको अवसर पारेर आज मात्रै गीत बजारमा पठाएको बताएकी छन्।
शंकर बिसीको निर्देशन रहेको म्युजिक भिडियोमा नीरु खड्का, किशोर निरौला, दिभाषा शर्मालगायतको अभिनय देख्न सकिन्छ। मधुर बस्नेतको छायांकन रहेको गीतको म्युजिक भिडियो नविन घर्ती मगरले सम्पादन गरेका छन्।
[embedded content]यो समाचार नयुज २४ नेपालबाट लिईएको हो।
