काठमाडौं । फिल्म ‘कबड्डी कबड्डी कबड्डी’ को पहिलो गीत रिलिज भएको छ । ‘दुबो फुल्यो’ बोलको गीत सोमबार सार्वजनिक गरेको हो ।
फिल्म ‘कबड्डी कबड्डी कबड्डी’को गीत हेमन्त राना र रितिका श्रेष्ठले स्वर दिएका छन् । हर्क साउदको शब्द रहेको गीतमा एस.डी योगीले संगीत भरेका हुन् । गीतमा दयाहाङ राई, उपसना सिंह ठकुरी, कर्म शाक्य, विल्सन विक्रम राई फिर्चड छन् ।
गीतमा रेनाशा राई रानाले कोरियोग्राफी गरेकी हुन् । रामबाबु गुरुङले निर्दशन गरेको फिल्ममा मनी राम पोखरेल, अर्जुन कार्की र ओम चन्द रौनियारले लगानी गरेका छन् । फिल्मलाई शैलेन्द्र डि.कार्कीले छायांकन गरेका हुन् भने, सुरेन्द्र पौडेलले सम्पादन गरेका छन् ।
फिल्म ‘कबड्डी कबड्डी कबड्डी’मा दयाहाङ राई, उपसना सिंह ठकुरी, कर्म शाक्य, विल्सन विक्रम राईसँगै बुद्धि तामाङ, विजय बराल, पुस्कर गरुङ, कविता आले, लोनिभा तलाधर, कमल मनी नेपाल अरुणा कार्की पोखरेल, शिला खनाल मनी के. राई लगायत कलाकारको अभिनय रहेको छ । फिल्म भदौ १३ गते देखि प्रर्दशन आउँदैछ।
यो समाचार नयुज २४ नेपालबाट लिईएको हो।
