- भगतराम थारु
नेपालगन्ज १३ साउन । ‘जवसे नैना मिलल’ बोलको थारु म्युजिक भिडियो आइतवार सार्वजनिक भएको छ । मोडल विवश चौधरी र मोडेल सुमित्रा चौधरीको मुख्य भुमिका रहेको थारु म्युजिक भिडियो आइतवार सार्वजनिक भएको हो । गायक सरम चौधरी र गायिका कल्पना चौधरीको स्वरमा रहेको जवसे नैना मिलल बोलको गित हाईस्पिडमा छायाङकन भएको कलाकार विवश चौधरीले बताए ।
गीतमा क्यामरा र निर्देशन सतिश शिन्हाले गरेका छन् । थारु संगीतमा यो दोश्रो गित हो जुन हाईस्पिडमा छायाङकन गरिएको छ । यस्तो खालको गितमा छायाङकन गर्न समेत गाह्रो हुने गरेको कलाकारहरुको भनाई छ । जो कोहीले यस्तो गितमा छायाङकन गर्न नसक्ने भएको हुनाले हाई स्पिडमा कमै छायाङकन हुने गरेको कलाकारहरुको भनाई छ । गीतको छायाङकन डडेलधुरा र बैतडीमा गरिएको छ ।
गीतकी मोडल सुमित्राले अहिलेसम्म १० वटा थारु गितमा मोडलिङ गरिसकेकी छिन् ।
[embedded content]यो समाचार नयुज २४ नेपालबाट लिईएको हो।
