काठमाडौं । आफ्नो उत्कृष्ट स्वरका कारण आएका ‘द भ्वाइस अफ नेपाल’बाट चर्चामा आएका सुशील गर्ताैलाको पहिलो आफिसियल म्युजिक भिडियो ‘पहिलो याे माया’ सार्वजनिक भएको छ । ‘द भ्वाइस अफ नेपाल’ को ब्लाइन्ड अडुसनमै चारवटै जजलाई चकित पार्न सफल सुशील ‘कोही आइ मेरो दिलमा’ गीतबाट चर्चामा आएका थिए ।
क्लासीक संगीतमा लामो समयदेखि संर्घषरत सु्शील मोहक आवाजका कारण निकै प्रशंसक पाउन सफल छन् । सुशिलको यो भिडियोमा सम्भवत: पुर्ण रुपमा नयाँ किसिमको सिर्जना झल्किएकाे छ । सुशीलको स्वरमा रेकर्ड भएको डेब्यु गीतमा धनबहादुर गोपाली र श्री केसीको शब्द तथा सङ्गीत रहेको छ भने भिडियोमा शेखर सुवेदी र समीक्षा पोखरेल फिचर्ड छन् ।
यो म्युजिक भिडियोको निर्देशन प्रकाश धितालले गरेका छन् भने विकास दाहालको सम्पादन रहेको छ । सन्तोष राजबाहकको कोरियोग्राफी रहेको भिडियोलाई उत्सव दाहालले खिचेका हुन् ।
यो समाचार नयुज २४ नेपालबाट लिईएको हो।
