काठमाडाैं, २८ भदाै : चर्चित गायक तथा सङ्गीतकार खेम सेन्चुरीको सङ्गीतमा रहेको नयाँ दशैं गीत ‘नेपाल जान मन लाग्यो नि’ सार्वजनिक भएको छ ।
गीतमा चर्चित गायक अनिश दवाडीको र गायिका सम्झना भण्डारीकाे स्वर रहेको छ भने गीतको शब्द रचना सुस्मा राईले गरेकी छिन् । सङ्गीत गायक तथा सङ्गीतकार खेम सेन्चुरीले गरेका हुन् ।
परदेशीका कथामा तयार पारिएको उक्त म्युजिक भिडियो को निर्देशन मौसम हिमालीले गरेका छन् । त्यस्तै भिडियोमा अभिनय धुर्ब हिमाली, सम्झना भण्डारी,खेम सेन्चुरी,विमल श्रीपाली र श्रीस्टी श्रेष्ठको रहेको छ भने भिडियो छायाङ्कन राजेश घिमिरे र सम्पादन प्रवीण भट्टले गरेका हुन्।
निकै मिठो शब्द सङ्गीत अनि स्वरले भरिएको गीतको भिडियो अत्यन्तै मार्मिक रहेको छ। गीतमा परदेशबाट दशैंमा आफ्नो घर अनि देश आउन नपाउँदाको पिडा पोखिएको छ ।
दशैं, तिहारजस्ता चाड पर्वलाई लक्षित गरी यति बेला साङ्गीतिक बजारमा गीतहरू धमाधम आउन थालेका छन् ।
हिन्दूहरूको महान् चाड दशैं नजिकिँदै जाँदा नेपाली साङ्गीतिक बजारमा थुप्रै दशैं तथा तिहारका गीतहरू बजारमा आउन थालेका हुन् र कतिपय आइसकेका सकेका छन् ।
[embedded content]यो समाचार नयुज २४ नेपालबाट लिईएको हो।
