काठमाडौं । ‘हाम्रो देश नेपाल, हामी नेपाली’ बोलको गीत सार्वजानिक भएको छ । गीतकार गोपाल पी. खनालको नयाँ गीत ‘हाम्रो देश नेपाल, हामी नेपाली’ शनिबार सार्वजनिक भएको हो ।
कमल किरणले स्वर दिएको उक्त गीतमा वसन्त सापकोटाले संगित भरेका छन् । आश्रम म्युजिक सेन्टरले उत्पादन गरेको गीतकाे म्युजिक भिडियोको एरेन्ज प्रदीप श्रेष्ठले गरेका हुन्। गीतकाे कोरियोग्राफी केशु पुनले गरेकी छन्। सम्पादन नवीन घर्तीमगरले गरेकाे गीतकाे भिडियोमा निर्देशन हेमराज आश्रम र सह–निर्देशन आश्रम म्युजिकको रहेको छ ।
बरिष्ठ गीतकार तथा कवि रत्नशमशेर थापा, राष्ट्रिय योजना आयोगका पूर्वउपाध्यक्ष तथा प्रा.डा. गोविन्दराज पोखरेल, प्राध्यापक डा. गोविन्द प्रसाद आचार्य र संगितकार वसन्त सापकोटा लगायतले संयुक्त रुपमा उक्त म्युजिक–भिडियोको विमोचन गरिएको हो ।
कार्यक्रममा प्रमुख अतिथि बरिष्ठ गीतकार तथा कवि रत्नशमशेर थापाले पछिल्लो समय राष्ट्रिय गीत–संगितको लेखन तथा निर्माण हराउँदै गएकोमा चिन्ता व्यक्त गरे । तर, यस्तो अवस्थामा गीतकार खनालले युवा पुस्तालाई राष्ट्रिय गीततर्फ आकर्षित गर्नेगरि काम गरेकोमा उनले खुशी व्यक्त गरे ।
कार्यक्रममा राष्ट्रिय योजना आयोगका पूर्व उपाध्यक्ष तथा प्रा.डा.गोविन्दराज पोख्रेलले राष्ट्रिय एकता बलियो बनाउने गीत बनेको भन्दै बधाई दिए । उनले भने, ‘गीतमा राष्ट्र र राष्ट्रियताप्रति वजनदार शब्द प्रयोग भएका छन् । यसले हामी सबैको मन छुन्छ । राष्ट्रिय एकता जगाउने खालको गीत छ ।’
[embedded content]यो समाचार नयुज २४ नेपालबाट लिईएको हो।
