‘कवीर सिंह’को प्रीति बनेर सबैको मन जित्न सफल अभिनेत्री कियारा आडवाणीले लगातार नयाँ–नयाँ फिल्मको अफर पाइरहेकी छन् । अहिलेको समय कियारा अक्षय कुमारको फिल्म ‘लक्ष्मी बम’को सुटिङमा ब्यस्त छन् । त्यसोत, कियारा आडवाणीले उही अभिनेता अक्षय कुमारको सुपरहिट फिल्मको रिमेक ‘भुल भुलैया–२’मा इन्ट्री गरेकी छन् ।
यो फिल्मको पोस्टर सार्वजनिक भएसँगै चर्चा भइरहेको थियो, अहिले आएर अभिनेत्री कियाराले इन्ट्री गरेसँगै फिल्मप्रति दर्शकमाझ उत्सुक्ता बढेको छ । फिल्मलाई अनिस बज्मीले निर्देशन गर्ने भएका छन् ।
निर्देशक बज्मीका अनुसार यस फिल्मको मुख्य अभिनेत्रीको रुपमा कियारालाई फाइनल गरिएको छ, तर अहिलेसम्म अफिसियल घोषणा भनेको गरिएको छैन । फिल्ममा कियाराको अपोजिटमा कार्तिक आर्यन हुनेछन् । यो फिल्म २००५ मा रिलिजमा आएको अक्षय कुमार अभिनित ‘भुल भुलैया’को अफिसियल रिमेक हुनेछ ।
यो समाचार नयुज २४ नेपालबाट लिईएको हो।
