काठमाडौं । विरगञ्जकी एसिड आक्रमणमा परेकी १४ वर्षीया मुस्कान खातुनको कीर्तिपुर अस्पतालमा उपाचार भइरहेको छ । उनलाई भेटन गायक राजु लामा अस्पतालमा पुगेका छन् । गायक लामाले उनलाई भेटेपछि सामाजिक संजालमा आफूले खातुनलाई भेटेर गाएको गीतको भिडियो सियर गरेका हुन् । उनले ‘तिमीलाई देखेर हिमाल हासेको’ गीत गाएका थिए ।
गायक लामाले खातनुको स्वास्थ्य अवस्था चाडौँ निको होस भनि प्राथना गरेका छन् । उनी खातुनको डाइ हार्ट फ्यान हुन् । खातुन हिन्दी फिल्ममा पनि निकै रुचि राख्ने भएकोले उनी बलिउड कलाकार कृति सेनन र वरुण धवन मन पराउछिन् । उनले मन पराएका बलिउड अभिनेत्री सेननले मुस्कानसँग भिडियो कल गरिसकेकी थिइन, भने वरुणले भिडियो सन्देश पठाइसकेका थिए । उक्त भिडियामा वरुणले मुस्कानलाई ठीक भएपछि आफूसँग भेट्न आउन भनेका छन् ।
भारतिय निर्देशक तथा निर्माता जुनैद मेननले सेनन र खातुनबीच भिडियो कल मार्फत कुराकानी गराएका थिए । कृतिले खातुनको फोटो सेयर गर्दै ट्वीट मार्फत खातुनलाई साहसी युवती भनेकी छन् । खातुनलाई भगवानले आर्शिवाद दिऊन्, भन्दै कठिन परिस्थितिमा पनि उनी मुस्काउन सकेकीकोमा आफूलाई खुसी लागेको बताइन् । निको भएपछि खातुनलाई भेट्ने बताएकी छन्।
एसिड आक्रमणमा परेपछि हरेक व्यक्तिले खातुनको ओठमा मुस्कान ल्याउने प्रयास गरिरहेका छन् । उनले एक युवकको प्रेम प्रस्ताव अस्विकार गरेपछि त्यहि युवकले उनीमाथि बाटोमा हिड्दै गर्दा एसिड फ्याकेका थिए । उनीमाथि एसिड आक्रमण गर्ने दुई युवाकहरुलाई प्रहरीले नियन्त्रण लिएको छ ।
यो समाचार नयुज २४ नेपालबाट लिईएको हो।
