पछिल्लो समय बलिउड अभिनेता शाहिद कपुर तेलुगू फिल्म ‘जर्सी’को हिन्दी रिमेकको लागि कडा परिश्रम गरिरहेका छन् । अभिनेता शाहिदले यस रिमेक फिल्मको आफ्नो भूमिकाको न्याय गर्नका लागि क्रिकेट कोचिङ पनि सुरु गरिसकेका छन् । यो फिल्ममा शाहिद एक क्रिकेटरको भूमिकामा प्रस्तुत हुँदैछन् ।
यसै रिमेक फिल्मको बारेमा कुराकानी गर्दै अभिनेता शाहिदले भने–‘कवीर सिंहपछि कस्तो फिल्म गर्नुपर्छ भन्ने विषयमा मलाई समय लागेको थियो । तर, मलाई जर्सी देख्ने वित्तिकै मेरो आगामी फिल्म हुनेछ भन्ने लाग्यो । यो एक शान्दार र प्रेरक फिल्म हो । यो यस्तो ब्यक्तिको कहानी हो कि मसँगै मिल्दोजुल्दो छ ।’
सुत्रका अनुसार यो फिल्ममा शाहिदले एक क्रिकेटरको भूमिका निभाइरेहेका छन् । आफ्नो भूमिकाको न्याय गर्नका लागि उनले काचिङ लिइरहेका छन् । अर्को महिनाबाट यो फिल्मको सुटिङ चण्डीगढबाट सुरु हुनेछ । शाहिदको क्रिकेट ट्रेनिङको तस्वीर पनि सार्वजनिक भइसकेको छ । तस्वीरमा शाहिद क्रिकेटर जस्तै देखिएका छन् ।
‘जर्सी’ फिल्मलाई गौतम तिन्नाउरीले निर्देशन गर्दैछन् । यो फिल्म अर्को वर्षको २८ अगष्टबाट दर्शकमाझ रिलिज हुने बताइएको छ ।
यो समाचार नयुज २४ नेपालबाट लिईएको हो।
