पछिल्लो समय अभिनेता सलमान खान ‘दबंग–३’को प्रोमोशन र मस्ट कन्ट्रोभर्सियल शो ‘बिग बोस–१३’मा निकै ब्यस्त छन् । यसैबीच अभिनेता खानले आगामी फिल्म ‘राधे’को सुटिङ समेत सुरु गरिसकेका छन् । केही दिन पहिले मात्रै अभिनेता खानले आफ्नो फ्यानहरुलाई सरप्राइज स्वरुप ‘राधे’ फिल्मसँग जोडिएको जानकारी गराएका थिए ।
अभिनेता खानले फिल्मको मुहूर्त शटको साथमा स्टारकास्टलाई पनि सार्वजनिक गरेका थिए । अहिले आएर सोसल मिडियामा पहिलो दिनको सुटिङको एक भिडियो सार्वजनिक गरिएको छ । सार्वजनिक भिडियोमा सलमानले स्लो मोशनमा इन्ट्री गरिरहेका छन् । भिडियोमा सलमानको पछाडिको दृश्यलाई मात्र देखाइएको छ ।
सलमान खानको ‘राधे’ फिल्ममा दिशा पटानी, ज्याकी श्रफ, रणदीप हुड्डा र जरीना वहाब पनि मुख्य भूमिकामा हुनेछन् । फिल्मलाई प्रभु देवाले एक्शन कट गरिरहेका छन् । यो फिल्म २०२० को ईदको अवसरमा दर्शकमाझ रिलिज गरिनेछ ।
यो समाचार नयुज २४ नेपालबाट लिईएको हो।
