- सबिन लामिछाने
दमौली । गायक सुनिल गिरीले नयाँ गीत ‘जाम क्यारे माया’ सार्वजनिक गरेका छन् । उनले गीत आफनो युट्युब चयानलमा रिलिज गरेका हुन् । गीतको छायांकन तनहुँको श्याम्घा वरिपरी गरिएको छ ।
कौरा शैलीमा छायाङकन गरिएको गीतमा मेलिना राई र सुनिल गिरीको स्वर रहेको छ । गाँउघरमा पहिला रातको समयमा मगरहरुले नाच्ने गरेको कौराको तालमा गीत निर्माण गरिएको छ । मौलिक कौरा नृत्य तनहुँमा पाइन्छ भन्ने विचार सबैलाई दिनको लागि उनले आफनै जन्म थलोमा छायाङकन गरेको बताउँछन् गायक गिरी । पर्यटन वर्ष २०२०लाई सघाउने उद्देश्यले गिरीले पछिल्लो समय यात्री, कोसेली जस्तै जाम क्यारे गीतहरुमा पर्यटकीय पक्षलाई समेत समेटेर गीत निर्माण गरेका छन् । ्
भिडियोको उद्देश्य नेपाल भ्रमण वर्ष २०२० का लागि केही योगदान र्पुुयाउनु रहेको बताए । सुनिल गिरी र उर्मिला गुरुङ्गको अभिनय रहेको उक्त भिडियोमा दमौलीमा रहेको भिक्टोरिया डान्स एण्ड एक्टिङ स्कुलका कलाकारले समेत नृत्यले साथ दिएका छन । भिडियोमा गिरी सँगै विनोद अधिकारी, भिक्टोरिया डान्स एण्ड एक्टिङ स्कुलका निर्देशक सर्जन थापा मगर लगायत स्थानीय युवाहरु फिचर्ड भऐका छन् ।
यो समाचार नयुज २४ नेपालबाट लिईएको हो।
