काठमाडौं । विपिन कार्की स्टारर् फिल्म ‘सेल्फी किङ’को अफिसियल ट्रेलर सार्वजनिक भएको छ ।
आगामी माघ २४ गतेबाट दर्शकमाझ रिलिजमा आउँदै गरेको ‘सेल्फी किङ’को ट्रेलरमा एउटा हाँस्य कलाकारको जीवनमा आइपर्ने विभिन्न किसिमका उतार–चढावलाई प्रस्तुत गरिएको छ ।
फिल्ममा विपिनको अपोजिटमा अभिनेत्री लक्ष्मी बर्देवा प्रस्तुत भएकी छन् ।
विशाल पासकोटाले डेब्यु निर्देशन गरेका ‘सेल्फी किङ’मा विपिन र लक्ष्मी बर्देवाका साथमा अभय बराल, भुवन चन्द, लोकमणि सापकोटा, जीवन भट्टराई, सविन बास्तोला, बाल्दिप राई, अमितेश शाह, इन्द्र दाङ लामा, कमल देवकोटा, प्रेम प्साद खतिवडा, गीता अधिकारीलगाएत मुख्य भूमिकामा छन् ।
फिल्मलाई निर्देशक सापकोटा आफेले लेखेका हुन्, भने दीनेश राउत र सुभाष थापाले निर्माण गरेका हुन् । फिल्मको सह–निर्माताको रुपमा प्रबल कोइराला र राजेश बिशुराल रहेका छन् ।
फिल्ममा सुसन प्रजापतिको सिनेमाटोग्राफी, निर्मल कुमार लामाको कोरियोग्राफी र जीवन थापाको सम्पादन रहेको छ ।
यो समाचार नयुज २४ नेपालबाट लिईएको हो।
