काठमाडौं, २ माघ। गायिका आस्था राउतले प्रहरीलाई गाली गरेकी छिन् । राउतले आफूमाथि प्रहरीले दुर्व्यवहार गरेको भन्दै सामाजिक संजालमार्फत गाली गरेकी हुन् ।
गायिका राउतले गाली गरेकी उक्त भिडियो सामाजिक संजाल फेसबुकमा भाइरल भइरहेको छ । हिजो बुधबार त्रिभुवन विमानस्थलबाट भद्रपुर जान लाग्दा चेकिङको क्रममा महिला प्रहरीले राउतमाथि दुर्व्यवहार गरेकी बताइएकी छन् ।
राउतले लाइभ भिडियोमा भनेकी छन्, ‘नेपालमा एयरपोर्टबाट ड्रक्स, अबैध सुन लगायतका वस्तुहरु छिराउने तर एउटा कलाकारलाई चाही खोल ज्याकेट भन्ने, महिलालाई रेस्पेक्ट नगर्ने प्रहरीको पुलिस हाम्रो साथी भन्ने स्लोगन हटाउ । जरानै गन्ध छ , मलजल गर, पुलिसको बर्दीको रेस्पेक्ट गर , त नभन आफ्नो बाबा आमाले त भनेको छैन ।’
राउतले भिडियोमा प्रहरीलाई ‘डन्ठे’, ‘बन्दुके’ जस्ता अपशब्दहरुको पनि प्रयोग गरेकी छन्। राउतमाथि भएका दुर्व्यवहारकोबारे छानबिन हुने बताइएको छ। राउत पश्चिम सिक्कीमको रिम्बी माघे मेलामा प्रस्तुतीका लागि सिक्किम जाँदै थिइन्।
यो समाचार नयुज २४ नेपालबाट लिईएको हो।
