मुम्बई, ११ कात्तिक । ‘उडान’ फेम अभिनेत्री माल्वी मल्होत्रालाई अज्ञात ब्यक्तिले छुरा प्रहार गरेको छ । अज्ञात ब्यक्तिको छुरा प्रहारबाट गम्भीर घाइते भएकी अभिनेत्री माल्वीलाई मुम्बईस्थित अम्बानी अस्पतालमा भर्ना गरिएको छ ।
सबै भन्दा पहिले अभिनेत्री माल्वीको पेटमा छुरा प्रहार गरिएको छ । साथमा उनको अनुहारलाई टार्गेट गरिएको थियो, तर अभिनेत्री माल्वीले हातले आफ्नो अनुहारलाई भने बचाउन सफल भएकी छन् ।
आफ्नो अनुहार जोगाउने क्रममा अभिनेत्री माल्वीको दायाँ–बायाँ दुवै हातमा गम्भीर चोट लागेको छ । विशेष गरी उनको हातमा ३ ठाउँमा गम्भीर चोट लागेको छ ।
प्रहरीले छुरा प्रहार गर्ने अज्ञात ब्यक्तिविरुद्ध उजुरी दर्ता गरी खोजी कार्य सुरु गरको छ । अभिनेत्री माल्वीलाई छुरा प्रहार गर्ने ब्यक्तिको अझैं पनि पहिचान खुल्न नसकेको प्रहरीले जनाएको छ ।
अभिनेत्री माल्वीले कलर्सको चर्चित शो उडानमा काम गरिसकेकी छन् । त्यस्तै, उनले हिन्दी फिल्म होटल मिलनमा पनि काम गरिसकेकी छन् ।
यसका साथै उनले कयौं साउथ इनिडयन फिल्ममा काम गर्नुका साथै विभिन्न विज्ञापनहरुमा पनि काम गरिसकेकी छन् ।
यो समाचार नयुज २४ नेपालबाट लिईएको हो।
