काठमाडौं, २१ कात्तिक । फोटो पत्रकार एवं सामाजिक अभियन्ता प्रदीपराज वन्तको अभिनय रहेको म्युजिक भिडियो सार्वजनिक भएको छ ।
शुक्रबार काठमाडौंको न्यूरोडमा आयोजिक एक कार्यक्रममा विनोद दनुवारको आवाजमा रहेको ‘परदेशीको कर्म’ गीतको म्युजिक भिडियो सार्वजनिक गरिएको हो ।
गीतको भिडियोलाई निर्देशक एवं कलाकार आकाश अधिकारी, वरिष्ठ सौन्दयकर्मी सीता न्यौपाने पाठक, वरिष्ठ कर्पोरेट सेफ कुमार चालिसेलगायतले संयुक्त रुपमा सार्वजनिक गरेका हुन् ।
नवराज घिमिरेको शब्द/संगीत रहेको ‘परदेशीको कर्म’ गीतलाई गोविन्द सोनीले मिक्सिङ÷मास्टरिङ गरेका हुन् । गीतको भिडियोलाई नविन बाबु गुरुङ र रेजिना तुलाधरले निर्देशन गरेका हुन् ।
[embedded content]
प्रदीपराज वन्त र सोनम केसीको अभिनय रहेको भिडियोलाई नविनबाबु गुरुङ आफैले छायाङ्कन गरेका हुन्, भने नविन निरौलाले सम्पादन गरेका हुन् ।
गीतको भिडियो सार्वजनिक गर्दै निर्देशक/कलाकार आकाश अधिकारीले फोटोपत्रकार प्रदीप वन्तले नेपाली दाजुभाईले विदेशमा भोगेका दुःखलाई गीत/संगीतको माध्यमबाट प्रस्तुत गरेकामा खुसी व्यक्त गरे ।
यो समाचार नयुज २४ नेपालबाट लिईएको हो।
