काठमाडौं ४ पुष । लोकप्रिय गायिका अञ्जु पन्तको आवाजमा ‘मैले रुँदा आँसु पुछ्थ्यौ, हाँस्दा सँगै हाँस्थ्यौ’ गीतको म्यूजिक भिडियो सार्वजनिक गरिएको छ । बरिष्ठ गीतकार हिराकाजी थापाको शब्द तथा बरिष्ठ गायक तथा संगीतकार नागेन्द्र श्रेष्ठको संगीतमा ‘मैले रुदा’ गीत सार्वजनिक गरिएको हो ।
गीतलाई चन्द सिंहले एरेञ्ज गरेका हुन्, भने किशोर थापाले मिक्सिङ÷मास्टरिङ गरेका हुन् । अभिनेता आकाश श्रेष्ठ, समिक्षा पोखरेल, आलिसा बास्तोला, प्रबिन डीसी, आरध्य खड्का, तपस अधिकारीको अभिनय रहेको भिडियोको निर्देशन पनि गीतकार थापा आफैले गरेका हुन् ।
प्रेमिका बेइमान हुँदा एउटा प्रेमीको जीवनमा कस्तो असर पुग्छ ? प्रेमी घरको न घाटको बन्न पुगेको वियोगान्त कथावस्तुलाई भिडियोमा प्रस्तुत गरिएको निर्देशक हिराकाजी थापाको दाबी छ ।
[embedded content]
सुन्दरी मोडल समिक्षा र आलिसाको पनि सशक्त अभिनय रहेको भिडियो रिलिज भएसँगै राम्रो प्रतिक्रिया आइरहेको निर्देशक थापाले बताए । पछिल्लो समय समाजमा बढ्दो डिभोर्स परम्परा र प्रेममा धोका पाएकाहरुको कथामा नायक आकाश श्रेष्ठले जिवन्त अभिनय गरेका छन् ।
सहनिर्देशक तथा कोरियोग्राफर गौरव गिरी रहेको गीतको भिडियोको छायांकन उत्तम हुमागाईले गरेका हुन्, भने सम्पादन अनिल रानाले गरेका हुन् ।
यो समाचार नयुज २४ नेपालबाट लिईएको हो।
