काठमाडौं, ७ पुष । कुनै बेला नेपाली चलचित्रका गीतमा एकछत्र राज गर्न सफल वरिष्ठ संगीतकार शम्भुजित बास्कोटा अझै पनि गीत–संगीत सिर्जनामा सक्रिय छन् । संगीतकार बास्कोटाद्वारा संगीतबद्ध सुगम संगीतमा आधारित युगल गीत ‘चोरी सुटुक्क मन’ गीतको म्युजिक भिडियो सार्वजनिक भएको छ ।
सार्वजनिक ‘चोरी सुटुक्क मन’लाई लोकप्रिय गायक स्वरूप राज आचार्य र गायिका मिलन नेवारले स्वरबद्ध गरेका छन् । अमेरिकामा बसेर सिर्जनामा सक्रिय गोपाल प्याकुरेलको शब्द रहेको छ ।
यस गीतलाई मनोहर सुनामले संगीत संयोजन गरेका हुन् । प्रेम सम्बन्धमा आउने उतार चढावलाई प्रस्तुत गरिएको म्युजिक भिडियोमा गम्भीर बिस्ट र ऋचा थापा फिचर्ड छन् ।
[embedded content]
सुबोल थापाले कोरियोग्राफी गरेको गीतको भिडियोलाई लु.ज. सिंहले छायांकन गरेका हुन् । भिडियोमा सुनिल थापाको सम्पादन रहेको छ । मिना भट्टराई उत्पादक रहेको यस भिडियोलाई गजित बिस्टको निर्देशनमा तयार पारिएको हो ।
यो समाचार नयुज २४ नेपालबाट लिईएको हो।
