काठमाडौं, १५ पुष । तनहुँका लोकप्रिय लोकपप गायक सुनिल गिरी र पोखराकी सुन्दरी उर्मिला गुरुङ निकै रुचाइएको जोडी हो ।
यो जोडीको २०७६ सालमै आफ्नो गाउँ तनहुँबाट भागेको सोल्टिनी भनी बोलाको बोलको कौरा गीतले खुबै चर्चा बटुलेको थियो ।
सुनिल र उर्मिलाको सोही जोडी फेरि ‘दिउँला माया तिमीलाई’मार्फत् दर्शकमाझ आएका छन् । ‘दिउँला माया’मा गायक सुनिललाई बहुचर्चित गायिका मेलिना राईले साथ दिएकी छिन् ।
सुनिलकै शब्द तथा संगीत रहेको गीतमा कृष्ण विक भान्जाको एरेन्ज रहेको छ । सुनिलको आफ्नै निर्देशनमा तयार पारिएको भिडियोलाई उनकै गृहजिल्ला तनहुँमा प्रचलित कौरा भाकालाई रमणीय पर्यटकीय गन्तब्य स्थल मानहुँकोट र दमौलीमा छायांकन गरिएको छ ।
[embedded content]
मगर समुदायमा प्रचलित कौरा भाकालाई कलात्मक तरिकाले सुनिलले आफ्नो शैलीमा प्रस्तुत गरेका छन् । बिकेक विकको छायांकन, सम्पादन तथा कलरिंग रहेको यस भिडियोलाई गायक सुनिलको आफ्नै च्यानलबाट बजारमा ल्याइएको हो ।
यो समाचार नयुज २४ नेपालबाट लिईएको हो।
