काठमाडौं, २८ फागुन । बलिउडमा रणवीर कपूर र सञ्जय लिला भंसालीपछि अर्का अभिनेता मनोज बाजपेयीलाई पनि कोरोना संक्रमण पुष्टि भएको छ । अभिनेता मनोज वाजपेयीलाई कोरोना संक्रमण भएको खबर न्यूज एजेन्सी एएनआईले पुष्टि गरेको हो ।
कोरोना संक्रमण पुष्टि भएसँगै अभिनेता मनोज सेल्फ आइसोलेट भएका छन् । हाल उनी सेल्फ क्वारेन्टाइनमा बसेका छन् । पछिल्लो समय मनोज वाजपेयी कयौं प्रोजेक्टमा व्यस्त थिए ।
त्यस्तै, पछिल्लो समय उनी आफ्नो आगामी फिल्म र वेब सिरिजका कारण निकै चर्चा छन् । उनको ‘द फ्यामली म्यान–२’ दर्शकहरुको पर्खाईको सिरिज हो ।
जानकारी अनुसार अभिनेता मनोज वाजपेयीलाई एक फिल्मको सुटिङको क्रममा कोरोना संक्रमण पुष्टि भएको हो । कोरोना पुष्टि भएसँगै उनले सुटिङ रोकेका छन् । पूर्ण रुपमा कोरोना संक्रमण मुक्त भएपछि मात्र उनले सुटिङलाई निरन्तरता दिने बताइएको छ ।
मनोज वाजपेयीको टिमले जारी गरेको बयानमा भनिएको छ, ‘फिल्मको निर्देशकलाई कोभिड–१९ पोजेटिभ भएपछि मनोज वाजपेयीले पनि कोरोना टेष्ट गराएका थिए । उनको कोरोना पोजेटिभ रिपोर्ट आयो । फिल्मको सुटिङ रोकिएको छ । अहिले स्वास्थ्य सुरक्षाको मापदण्ड अपनाएर उनले आफ्नै घरमा आइसोलेट गरेका छन् ।’
यो समाचार नयुज २४ नेपालबाट लिईएको हो।
