काठमाडौं, २८ फागुन । गायक छवी न्यौपाने र मेलिना राईको स्वरमा सजिएको नयाँ गीत ‘यो जुनीमा तिम्रो’को म्युजिक भिडियो सार्वजनिक गरिएको छ ।
लोकप्रिय गायक तथा संगीतकार किशोर शिवाकोटीको शब्द तथा संगीत सिर्जना रहेको गीतमा अभिनेता आकाश श्रेष्ठ र अभिनेत्री वर्षा राउतबीचको प्रेम र भावी जीवनको गाथालाई निर्देशक निकेश खड्काले नजिकबाट केलाएका छन् ।
विहे गर्ने उमेर पुगेका हरेक प्रेमी–प्रेमिकाले भोग्नु पर्ने मिलन र विरहको गाथालाई कलात्मक शैलीमा प्रस्तुत गरिएको भिडियोमा आकाश र वर्षाको कुशल अभिनय रहेको छ ।
[embedded content]
रुपेश खड्काको सम्पादन रहेको भिडियोको छायांकन बुद्ध थापाले गरेका हुन् । एनपी म्यूजिक हवबाट बजारमा ल्याइएको गीतको भिडियो सार्वजनिक भएलगत्तै राम्रो प्रतिक्रिया आइरहेको निर्माण यूनिटले जनाएको छ ।
यो समाचार नयुज २४ नेपालबाट लिईएको हो।
