काठमाडौं, ४ चैत । केही वर्ष अगाडिदेखि ईद पर्वको अवसर बलिउडका सुपरस्टार सलमान खानको फिल्म रिलिज हुँदै आएको छ । यो वर्षको ईद पर्वको अवसरमा पनि सुपरस्टार सलमान खानको मोस्ट अवेटेड फिल्म ‘राधे’ दर्शकमाझ रिलिजमा आउँदैछ ।
तर, यो वर्षको ईद पर्वको अवसरमा सलमान खानको ‘राधे’ सँगै अर्का अभिनेता जोन अब्राहमको आगामी फिल्म ‘सत्यमेव जयते–२’ पनि दर्शकमाझ रिलिजमा आउने भएको छ । अभिनेता जोन अब्राहम आफैले ईद २०२१ मा ‘सत्यमेव जयते–२’ दर्शकमाझ रिलिजमा आउने जानकारी गराएका हुन् ।
जोन अब्राहमले सोसल मिडिया इन्स्टाग्राममा फिल्म ‘सत्यमेव जयते–२’को नयाँ पोस्टर पनि सार्वजनिक गर्दै रिलिज मिति घोषणा गरेका हुन् । सार्वजनिक पोस्टरमा जोन अब्राहम दोहोरो भूमिकामा देखिएका छन् ।
सार्वजनिक पोष्टरको बारेमा लेख्दै जोन अब्राहमले भनेका छन्, ‘यस ईदमा सत्य र जयको भिडन्त हुनेछ । किनभने लड्नेछौं यो वर्ष । दुवै भारत आमाको लाल ।’ यो फिल्म १३ मे २०२१ बाट दर्शकमाझ रिलिजमा आउनेछ । सार्वजनिक पोस्टरमा जोन अब्राहमलाई प्रहरी अफिसरको रुपमा प्रस्तुत गरिएको छ ।
जानकारी अनुसार सत्यमेव जयते–२ भन्दा अगाडि जोन अब्राहमको अर्को फिल्म ‘मुम्बई सागा’ १९ मार्चबाट दर्शकमाझ रिलिजमा आउदैछ । यो एक एक्शन थ्रिलर फिल्म हो । यस फिल्मलाई सञ्जय गुप्ताले निर्देशन गरेका हुन् ।
यो समाचार नयुज २४ नेपालबाट लिईएको हो।
