काठमाडौं, १० चैत । चर्चित गायन रियालिटी शो नेपाल आइडल सिजन–३ की विजेता सज्जा चौलागाई र द भ्वाइस अफ नेपालबाट चर्चामा आएका गायक बलबहादुर राजबंशीको युगल स्वरमा रहेको गीत ‘के यस्तो माया बस्यो नि’ सार्वजनिक भएको छ ।
बहुमुखी प्रतिभाशाली गायक तथा संगीतकार हरि लम्सालको शब्द र संगीत रहेको प्रेमिल शैलीको यस गीतको भिडियोमा सुरबिना कार्की र नाजिर हुसेनको अभिनय रहेको छ ।
सुरबिना र नाजिर दुवै नेपाली म्युजिक भिडियोमा अब्बल छाप छोड्न सफल जोडी हुन् । भिडियोमा एउटै गाउँका किशोर किशोरीको गाउँले परिबेशमा त्यहीको माहौलमा झाँगिदै गैरहेको प्रेमलाइ देखाइएको छ ।
निकेश खड्काको निर्देशनमा बनेको भिडियोमा बुद्ध थापाको सिनेमाटो ग्राफी र विकास धमलाको सम्पादन रहेको छ ।
[embedded content]
टुवेल नोट्सको अफिसियल च्यानलबाट सार्वजनिक गीत ‘के यस्तो माया बस्यो नि’लाई दर्शकहरुको शतप्रतिसत पोजिटिभ कमेन्ट आएको छ ।
यो समाचार नयुज २४ नेपालबाट लिईएको हो।
