काठमाडौं, २० चैत । बलिउड अभिनेता अजय देवगनले आफ्नो आगामी फिल्म ‘आरआरआर’को फस्टलुक सार्वजनिक गरेका छन् । अजय देवगनले आफ्नो जन्मदिनको अवसरमा ‘आरआरआर’को फस्टलुक सार्वजनिक गरेका हुन् ।
उनले आफ्नो इन्स्टाग्राममा एउटा भिडियो अपलोड गरेका छन्, जहाँ उनको आगामी फिल्म ‘आरआरआर’को फस्टलुक प्रस्तुत गरिएको छ । सार्वजनिक फस्टलुकमा अजय देवगन दमदार देखिएका छन् ।
फस्टलुक सार्वजनिक गर्दै अजय देवगनले दमदार र पावरफुल क्यारेक्टर दिएकामा एसएस राजामौलीलाई धन्यबाद पनि दिएका छन् ।
त्यसोत, यस अगाडि नै अर्का अभिनेता राम चरणको पनि जन्मदिनकै अवसरमा फिल्मको समावेश फस्टलुक सार्वजनिक गरिएको थियो । फस्टलुक सेयर गर्दै राम चरणले लेखेका छन्, ‘वीरता, सम्मान, अखण्डता एक पुरुष जसमा यो सबै छ । यो मेरो सौभाग्य हो, जहाँ मैलै अल्लुरी सीतारामाराजुको भूमिका निभाइरहेको छु ।’
त्यस्तै, १५ मार्चमा अभिनेत्री आलिया भट्टको जन्मदिनको अवसरमा ‘सीता’को रुपमा उनको फस्टलुक सार्वजनिक गरिएको थियो । यस अगाडि फिल्म ‘आरआरआर’बाट जुनियर एनटीआर, ओलिविया मोरिसको पनि फस्टलुक सार्वजनिक भइसकेको छ ।
‘आरआरआर’को कहानी
फिल्म ‘आरआरआर’ एक पिरियड ड्रामा हो । यो फिल्म कोमाराम भीम र अल्लुरी सीतारामाराजूको दुःख सुखको काल्पनिक कहानीमा आधारित रहेको बताइएको छ । फिल्मलाई १३ अक्टोवर, २०२१ बाट दर्शमाझ रिलिज गर्ने निर्माण टिमले जनाएको छ ।
यो समाचार नयुज २४ नेपालबाट लिईएको हो।
