काठमाडौं, २० चैत । गायक तथा गीतकार कुशल गुरुङको नयाँ गीत ‘भुल गरेछु’को म्यूजिक भिडियो सार्वजनिक भएको छ । जसमा गायक तथा संगीतकार तुला पर्वतको संगीत रहेको छ ।
महेश बिक्रम पाण्डेको एरेञ्ज रहेको गीतमा गायक कुशल र शान्ती राईको अभिनय रहेको छ । एकतर्फी मायामा डुबेका कुशलले आफूलाई धोका भएको महशुस गर्दै विछोडको पीडामा छट्पटाइरहेका दृश्यलाई भिडियोमा प्रस्तुत गरिएको छ ।
कुशलले आफ्नो प्रेम पाउन लाख कोशिस गरेतापनि असफल भएसँगै उनले ‘भुल गरेछु मैले’ भन्दै पहिलो मायाबाट हार खाएको भाव प्रस्तुत गरेका छन् ।
अभिनयमा कुशललाई शान्तीले साथ दिएकी छिन् । संगीतकार तुलाकै निर्देशनमा तयार भएको भिडियोको सबै काम मकाउमा नै गरिएको हो ।
पर्यटकीय स्थल मकाउमा निकै जोखिम मोलेर भिडियो तयार पारिएको निर्माण यूनिटले जनाएको छ । मकाउका रमाइला र मनमोहक दृश्यहरुले दर्शकको मन जित्ने आशा लिएकी छिन् निर्माता शान्ती राईले । भिडियोको सम्पादन र छायांकन निर्देशक तुलाले नै गरेका हुन् ।
यो समाचार नयुज २४ नेपालबाट लिईएको हो।
