काठमाडौं, २० चैत । गायिका निशा कँडेल र गायक अमन प्रधानको युगल गायनमा समावेश ‘तस्बिर २ः ओ प्रिया’को म्युजिक भिडियो सार्वजनिक भएको छ ।
करिब १ वर्षअघि सार्वजनिक ‘तस्विर’ गीतको निरन्तरता रहेको यस गीतलाई तस्विरकै गीतकार बिष्णुबाबु देवकोटाले लेखेका हुन् ।
टिका दहालले संगीतबद्ध गरेका यस गीतलाई राहुल प्रधानले संगीत संयोजन गरेका हुन् । म्युजिक भिडियोमा नायक आकाश श्रेष्ठ र नायिका पुजा शर्माबिचको प्रेम र रोमान्स प्रस्तुत गरिएको छ।
बुद्ध थापाले छायांकन गरेको यस भिडियोलाई विकाश धमलाले सम्पादन गरेका हुन् । निकेश खड्काको निर्देशनमा भिडियो तयार पारिएको हो ।
लिजेन्स इन्टरनेशनलको एजुकेशनको प्रस्तुति रहेको यस भिडियोलाई गायिका कंडेलको आधिकारिक च्यानलमार्फत् भिडियो सार्वजनिक गरिएको हो ।
यो समाचार नयुज २४ नेपालबाट लिईएको हो।
