काठमाडौं । बलिउडका एक्शन अभिनेता अजय देवगनले मुम्बईमा नयाँ आलिसान घर किनेका छन् । जानकारी अनुसार अभिनेता अजयले मुम्बईको जुहुमा रहेको आफ्नो पुरानो घर (शिवशक्ति) नजिकै ६० करोड भारतीय रुपैयाँमा नयाँ घर खरिद गरेका हुन् ।
भारतको एक लोकप्रिय अखबरमा छापिएको समाचार अनुसार अभिनेता अजय देवगनका प्रवक्ताले यसबारे पुष्टि गरेका हुन् । हालसम्म अजय देवगनको नयाँ घरको मूल्य नखुलाएपनि रियल स्टेट विजनेससँग जोडिएका सुत्रका अनुसार उक्त घर ६० करोड भारुको प्रोपर्टी हो ।
पछिल्लो समय अजय देवगन र उनकी श्रीमती काजोल नया घरको खोजीमा छन्, भन्ने समाचार पनि बाहिरिएको थियो । त्यसोत, उनीहरुले वर्षको अन्त्यसम्ममा ५९० स्क्वायर यार्डमा फैलिएको उक्त नयाँ घर फाइनल गरेका छन् ।
योसँगै अब अभिनेता अजय देवगन र अभिनेत्री काजोलको नयाँ छिमेकीहरुमा अक्षय कुमार, ऋतिक रोशन, धर्मेन्द्र, अमिताभ बच्चनलगायत बलिउडका चर्चित कलाकारहरु हुनेछन् । बलिउडका महानायक अमिताभ बच्चनले पनि उक्त ठाउँमा भर्खरै नयाँ घर किनेका हुन् ।
पछिल्लो समय अभिनेता अजय देवगनको ‘तानाजीःद अनसङ.ग वारियर’ दर्शकमाझ रिलिजमा आएको थियो । उक्त फिल्मले विश्वभर करिब ३५० करोड भारुको कमाई गरेको थियो ।
यो समाचार नयुज २४ नेपालबाट लिईएको हो।
