हेटौंडा । भर्चुअल प्रविधिबाट आयोजना भएको नवोदय सिंगिङ स्टारमा उत्कृष्ट तीन विद्यार्थी छनौट भएका छन् । सोमबार ६ जना प्रतिस्पर्धीबीच भएको फाइनल राउण्डमा चिराग डंगोल, आशुतोष पोखरेल र आयुश खरेल उत्कृष्ट नवोदय सिंगिङ स्टार घोषित भएका हुन् ।
प्रतियोगितामा सामाजिक सञ्जालमार्फत भोटिङ र निर्णायकको नतिजाको आधारमा उत्कृष्ट तीन विद्यार्थी छनौट गरिएको हो । प्रतियोगितामा निर्णायकद्वय गायिका सुनिता शर्मा लुइँटेल र गायक तथा संगीतकार रमेश तिमल्सिना रहेका थिए ।
४० जना विद्यार्थीबाट शुरु भएको प्रतियोगिताको विभिन्न छनौट पार गर्दै फाइनल राउण्डसम्ममा उत्कृष्ट तीनसँगै सम्वृद्धि बास्ताकोटी, विपिसा रुवाली, आरुष चौलागाई पुगेका छन् । सीए (क्रियटिभ आर्ट)को संगीत शिक्षक प्रलय चौलागाई र अश्विन थिङको समन्वयमा कार्यक्रम भएको हो ।
फाइनल राउण्डमा विद्यालयका निर्देशक दीपेश जोशीले हरेक वर्ष प्रतियोगितालाई निरन्तरता दिने प्रतिबद्धता व्यक्त गरेका थिए । प्रतियोगिताले विद्यार्थीहरुमा लुकेको प्रतिभा उजागर गर्ने भएकोले हरेक वर्ष नवोदय सिंगिङ स्टार कार्यक्रम सञ्चालन गर्ने उनले बताए ।
उत्कृष्ट छनौट भएका तीन जना विद्यार्थीलाई पुरस्कार पनि प्रदान गरिने बताइएको छ । भर्चुअल प्रविधिबाट सम्पन्न भएको प्रतियोगितामा सीएका शिक्षकको भूमिका महत्वपूर्ण भएको कारण कार्यक्रम भव्य रुपमा सम्पन्न भएको विद्यालयले जनाएको छ ।
यो समाचार नयुज २४ नेपालबाट लिईएको हो।
