काठमाडौं । गायक तथा सारंगी बादक हेमन्त कान्छा रसाइलीको स्वरमा सजिएको ‘फूल रोको कस्ले देख्छ र ?’ बोलको गीत सार्वजनिक गरिएको छ । लोकप्रिय सर्जक रेम गुरुङको शब्द र संगीत रहेको गीतमा फूलको मर्मलाई कलात्मक शैलीमा देखाइएको छ ।
फूल सँधै ढकमक्क फक्रिएपनि फूलको मर्म र वेदनालाई कसैले नदेख्ने कुरालाई भिडियोले प्रस्तुत गरेको छ । त्रिवेणी स्टुडियोमा रेकर्डिङ गरिएको गीतको मिक्सिङ राजकुमार बगरले गरेका हुन् ।
गीतको म्यूजिक भिडियोको छायाङ्कन चक्र बराल, सम्पादन टेकेन्द्र शाह र निर्देशन ईश्वर बल्लव उप्रेतीले गरेका हुन् । गीतको भिडियोमा गायक रसाईली स्वयंले ‘लिप्सिङ’ अभिनय गरेका छन् ।
सर्जक सदाबहार गायिका शर्मिला गुरुङका भाई हुन् । उनी हाल अध्ययनको सिलसिलमा सपरिवार अष्ट्रेलियमा छन् ।
यो समाचार नयुज २४ नेपालबाट लिईएको हो।
