काठमाडौं । साउथका सुपरस्टार अल्लु अर्जुनको फिल्म ‘पुष्पा’ दर्शकमाझ रिलिजमा आएको लामो समय भइसकेको छ । विशेष गरी रक्तचन्दन तस्करीबारे निर्माण गरिएको ‘पुष्पा’ अर्थात् अल्लु अर्जुनको क्रेज दिनदिनै बढिरहेको छ । फिल्मले दर्शकहरुको मन जित्नुका साथै सयौं करोडको बक्स अफिस कलेक्शनसमेत गर्न सफल भएको छ ।
दर्शकमाझ रिलिजमा आएको लामो समय भइसक्दा पनि यो फिल्मको गीतदेखि लिएर संवादसम्म सबैले फ्यान र फलोअर्सको मन जितेको छ । यो फिल्मको ‘सामी सामी’ गीत र ‘पुष्पा जुकेगा नहीँ’ लगायतका संवादहरु सोसल मिडियामा भाइरल बनिरहेका छन् ।
त्यस्तै यो साता सोसल मिडियामा बंगाली गीत ‘कचा बदाम’ पनि भाइरल बनिरहेको छ । सामाजिक सञ्जालमा ‘पुष्पा’का गीत र ‘काचा बदाम’को रिमिक्स संस्करण निकै चर्चामा छन् । हामीले यो साता ट्रेन्डमा रहेका केही उत्कृष्ट भिडियो क्लिपहरू कम्पाइल गरेका छौं ।
सुपरस्टार अल्लु अर्जुनका फ्यानले रि–क्रिएट गरिन् ‘सामी सामी’को स्टेप
हैदराबादकी एक डान्सर, जो अल्लु अर्जुनको ठूलो फ्यान पनि हुन्, उनले ‘सामी सामी’ गीतबाट नृत्य स्टेप रिक्रिएट गरेको भिडियो सेयर गरेकी छन् । उनको उक्त डान्स स्टेपहरुलाई निकै मन पराइएको छ । भिडियोमा देखिएकी युवतीको नाम मृणाली ब्रमण्डपल्ली हो ।
ब्राजिलियन बुबा र छोरी ‘काचा बदाम’मा नाच्दै
ब्राजिलियन बाबु–छोरीले आफ्नो इन्स्टाग्राममा ‘काचा बदाम’गीतमा नृत्य गरेको भिडियो सेयर गरेका छन् । उक्त भिडियो निकै भाइरल बनेको छ । भिडियोलाई सबैलाई मन पराइरहेका छन् ।
विवाह मण्डपमा जिप्सी सवारीमा पुगिन् बेहुली
भोपालकी एउटी दुलहीले आफ्नै विवाहको जुलुस निकालेकी छन् । बैरागढ नगरपालिकाकी दुलही भावनाले बारात निकाल्न दिए मात्रै विहे गर्ने जिद्दी गरिन् । त्यसपछि उनी जिप्सी चढेर गाडीको बोनेटमा बसेर विवाहस्थल पुगिन् । उक्त भिडियो पनि सोसल मिडियामा भाइरल बनिरहेको छ ।
किन पाकिस्तानी टिकटकरले आफ्नो लिप फिलर प्रक्रिया बीचमै छाडिन्
पाकिस्तानी टिकटक स्टार हरिम शाहले देशको संघीय अनुसन्धान एजेन्सी (एफआईए)ले उनको बैंक खाता फ्रिज गरेको कारणले आफ्नो ओठ फिलर प्रक्रिया बीचमै छोड्नुपरेको दाबी गरेकी छन् । उनले एक भिडियो सार्वजनिक गर्दै जसमा उनले आफ्नो ओठ फिलर लिन जाँदा के भयो ? भनेर वर्णन गरेकी छन् । हरीमले भनिन्, ‘खाता फ्रिज गरिएको कारण बीचमै छोड्ने निर्णय गरे ।’
यो समाचार नयुज २४ नेपालबाट लिईएको हो।
