काठमाडौं । गायिका बानिका प्रधान र गायक प्रवेश खतिवडाको युगल गीतमा बनाइएको म्यूजिक भिडियो विहीबार सार्वजनिक भएको छ । डिजिटल प्लेटफर्म ‘थगलाइफ नेपाल’ च्यानलमार्फत म्यूजिक भिडियो सार्वजनिक गरिएको हो ।
‘अचार तिलैको’ बोलको गीतमा निर्मित भिडियो काभ्रेस्थित तीन पिप्लेमा छायाँकन गरिएको हो । म्यूजिक भिडियोमा सुमन बजगाईं र अञ्जना दुवाडीको साथमा सीताराम दाहालको समेत अभिनय रहेको छ ।
शर्मा जी प्यूठानको निर्देशन रहेको म्यूजिक भिडियोको गीतमा शब्द तथा संगीत भुवन सापकोटा र संगीत संयोजन गोपाल रसाइलीको रहेको छ । सो म्यूजिक भिडियोको छाँयाकन तथा सम्पादन गौरव भण्डारीले गरेका हुन् ।
गायिका प्रधानले यसअघि ५० भन्दा बढी गीतमा आवाज दिइसकेकी छन्, भने गायक खतिवडाको यो पहिलो गीत हो । सार्वजनिक भएको अचार तिलैकोबाट खतिवडा बढी आशावादी छन् ।
यो समाचार नयुज २४ नेपालबाट लिईएको हो।
