काठमाडौं । बलिउड अभिनेत्री आलिया भट्टले आफ्नो सुन्दरता र कुशल अभिनयकै कारण दर्शकहरुको मन जित्ने गरेकी छन् । उनले आफ्नो प्रत्येक पात्रमा जीवन भर्ने गरेकी छन् । बलिउडमा आफ्नो अभिनय क्षमता देखाइसकेकी अभिनेत्री आलिया अब हलिउडमा पनि आफ्नो छुट्टै पहिचान बनाउने तयारीमा छन् ।
अभिनेत्री आलिया भट्ट ‘हार्ट अफ स्टोन’ नामक फिल्मबाट हलिउडमा डेब्यू गर्न लागेकी हुन् । यो फिल्ममा आलियाले हलिउड अभिनेता गल ग्याडोटसँग स्क्रीन सेयर गर्ने छन् । ट्रेड एनालिस्ट तरण आदर्शले ट्वीट गर्दै आलियाले हलिउडमा डेब्यू गर्न लागेकी जानकारी दिएका हुन् ।
आलिया भट्टको तस्बिर सेयर गर्दै तरनले लेखेका छन्, ‘आलिया भट्टले हलिउडमा डेब्यू गर्न लागेकी छिन् । नेटफ्लिक्समा रिलिज हुने फिल्म ‘हार्ट अफ स्टोन’मा उनी गल गाडोटको अपोजिटमा देखिनेछिन् । यो एक अन्तर्राष्ट्रिय जासूस थ्रिलर फिल्म हुनेछ ।’
टम हार्परले ‘हार्ट अफ स्टोन’को निर्देशन गर्दैछन् । यद्यपी, फिल्ममा आलियाको क्यारेक्टर कस्तो हुनेछ ? भन्नेबारे भने केही खुलाइएको छैन ।
प्रदर्शनरत ‘गंगुबाई काठियावाडी’ले कति कमायो ?
आलिया भट्टको हालै दर्शकमाझ रिलिज भएको ‘गंगुबाई काठियावाडी’ले बक्स अफिसमा राम्रो कलेक्शन गरिरहेको छ । फिल्ममा आलियाले मुम्बईको कामाठीपुरा क्षेत्रमा शासन गर्ने गंगुबाईको भूमिका निभाएकी छिन् । ‘गंगुबाई काठियावाडी’ले भारतमा अहिलेसम्म ९२.२२ करोड भारु कलेक्सन गरिसकेको छ ।
आगामी फिल्महरू
वर्कफ्रन्टको कुरा गर्ने हो भने आलिया भट्टसँग अहिले धेरै फिल्महरु छन् । रिलिज हुन लागेको ‘आरआरआर’ फिल्ममा आलियाले रामचरण र जूनियर एनटीआर जस्ता स्टारसँग काम गरेका छन् ।
यस बाहेक उनी ‘रकी और रानी की प्रेम कहानी’, ‘जी ले जरा’ र ‘ब्रह्मास्त्र’ जस्ता फिल्मको हिस्सा छन् जुन एकपछि अर्को हलमा रिलिज हुने वालामा छन् ।
यो समाचार नयुज २४ नेपालबाट लिईएको हो।
