काठमाडौं । गायक अर्जुन बोसेलको बिल्कुलै नयाँ साँगीतिक सौगात ‘याद’ सार्वजनिक भएको छ । एक्लो र दुखी हुँदाको पीडालाई समेटेर तयार पारिएको यस गीतमा स्वयम गायक बोसेलको शब्द र संगीत रहेको छ।
कृष्ण बिक (भान्जा)ले यस गीतको संगीत संयोजन गरेका हुन् । म्युजिक भिडियोमा गायक प्रकाश सपुत र जुना सुन्दास फिचर्ड छन् । नवराज उप्रेतीले छायाँकन गरेका गीतको भिडियोलाई मनोज कार्कीले सम्पादन गरेका हुन् । देवेन्द्र बब्लुको निर्देशनमा भिडियो तयार पारिएको हो ।
गायक बोसेलको अफिसिएल युट्युव च्यानल ‘अर्जुन बोसेल’मार्फत् भिडियो सार्वजनिक गरिएको हो । विगत लामो समयदेखि नेपाली संगीत क्षेत्रमा सक्रिय गायक बोसेललका यसअघि २२ वटा भन्दा बढी म्युजिक भिडियो सार्वजनिक भैसकेका छन् ।
केही समयअघि सार्वजनिक उनको ‘गोठालो’ गीतको म्युजिक भिडियो दर्शक माझ लोकप्रिय छ ।
यो समाचार नयुज २४ नेपालबाट लिईएको हो।
