काठमाडौं । नेपाली कथानक फिल्म ‘शमशेर’ निर्माण हुने भएको छ। एभरेष्ट फिल्म एकेडेमी र डीआर डेनिमको निर्माणमा बन्न लागेको उक्त फिल्ममा अभिनेता मनिष राउत समशेरको भूमिकामा देखिने भएका छन् ।
एक्सन जनरामा बन्न लागेको फिल्मको फस्टलुक पोस्टर समेत सार्वजनिक गरिएको छ । जहाँ अभिनेता राउत एक्सन शैलीमा देखिएका छन् ।
फिल्ममा अर्जुन पोखरेलको संगीत सुन्न सकिनेछ। यो फिल्ममा सुमन थापा, सबिन शाक्य, रुपेश कार्की, रुपेश लामा, आशिस पराजुलीलगायत कलाकारको समेत अभिनय रहनेछ ।
नायिका फाइनल हुन बाँकी यो फिल्मको छायांकन काठमाडौँ, दुबई, सोलुखुम्बु र ढोरपाटनमा हुनेछ । फिल्मलाई गौरी शंखर र बिकाश सिटौलाले छायाङ्कन गर्ने । फिल्म निर्माणमा सीबर्ड्स इन्टरटेनमेन्टले समेत सहकार्य गर्नेछ ।
यो समाचार नयुज २४ नेपालबाट लिईएको हो।
