काठमाडौं । चर्चित गीत ‘कुरा काट्ने मान्छेले काटुन्’का गायक सुभाष पुरीको प्रस्तुतिमा अर्को नयाँ गीत ‘हाँगाको फूल’को म्युजिक भिडियो बजारमा आएको छ ।
गायिका समीक्षा अधिकारीको आवाजमा रहेको ‘हाँगाको फूल’ले प्रेमका नाममा प्रेमिकालाई धोका दिने युवा जमातहरुको मार्मिक र यथार्थ विषयलाई कलात्मक शैलीमा प्रस्तुत गरिएको छ ।
प्रेमीलाई आफ्नै ठानेर मनको घडेरी दिएपनि समयसँगै प्रेमी फेरिएको र बीच बाटोमा नै धोका दिएको कथालाई निर्देशक बिक्रम चौहानले गज्जबसँग भिडियोमा प्रस्तुत गरेका छन् । भिडियोमा टिकटकबाट चर्चा कमाएकी सुन्दरी मोडल बिना राउत र बिक्रम बुढाथोकीको अभिनय देख्न सकिन्छ ।
दिनेशराज पुरीको शब्द सिर्जनामा नबिन कार्कीको संगीत रहेको गीतको छायांकन प्रकाश खड्काले गरेका हुन्, भने मिलन बिकले सम्पादन गरेका हुन् ।
केही समयअघि मात्रै गायक सुभाष पुरी र गायिका समीक्षा अधिकारीको आवाजमा ‘बजाई देउ’ बोलको गीत बजारमा आएको थियो ।
यो समाचार नयुज २४ नेपालबाट लिईएको हो।
