काठमाडौँ । गायिका मिलन नेवार र गायक प्रकाश सिङको स्वर रहेको ‘यूके लण्डनमा’ गीतको भिडियो सार्वजनिक भएको छ । मकाउमा रहेका गायक सिङले नयाँ वर्षको अवसर पारेर बजारमा ल्याएको गीतका शब्द सिर्जना राजु आर डीका हुन् ।
गायक स्वयमकै संगीत रहेको गीतको भिडियोमा चर्चित मोडल गीता ढुंगाना र अभिषेक श्रेष्ठको अभिनय रहेको छ । पहिलो भेटमा नजर जुधाएर ख्याल ठट्टामा नै प्रेममा परेको कुरालाई पछिल्लो समयका व्यस्त अनि चर्चित निर्देशक बिक्रम चौहानले कलात्मक शैलीमा भिडियोमा देखाएका छन् ।
लक्ष्मण चौहानको सम्पादन रहेको भिडियोमा प्रकाश खड्काको छायांकन रहेको छ । गायक सिङले यसअघि नै आधा दर्जन भिडियोहरु बजारमा ल्याइसकेका छन् । जसमध्ये गायक सिङले केही समय अगाडी निता ढुंगनासँग अभिनय गरेको भिडियो मेरो सारङ्गीले चर्चा पाएको थियो ।
अमेरिकामा रहेका महेश जोशी, मकाउमा रहेका अ्मर लिङ्देन, अडियो नेपालका बुद्ध सयमी र काठमडौँका सन्तोष बिश्वकर्माको हयोगमा भिडियो निर्माण भएको गायक सिङले बताए ।
यो समाचार नयुज २४ नेपालबाट लिईएको हो।
