काठमाडौं । लोकप्रिय बलिउड गायिका सोनू कक्कड र गायक मनिष श्रेष्ठको स्वरमा रहेको ‘शनिवारको दिन’ गीतको भिडियो नयाँ बर्षको अवसरमा सार्वजनिक भएको छ । मनिष श्रेष्ठको संगीत र दीपक सापकोटाको शब्द रचना रहेको छ ।
प्रेमभाव बोल्ने गीतको भिडियोमा सुशान्त खत्री, प्रदिप लामा, सन्तोषी कार्की र मनिष श्रेष्ठले अभिनय गरेका छन् । गीतको भिडियोलाई गायक मनिष श्रेष्ठ स्यमले निर्देशन गरेका हुन् ।
भारतीय गायिका साथै नेपाली दर्शकको माग बमोजिमको गीतको अडियो र भिडियो राम्रो बनेकाले दर्शकलाई मनपर्नेमा आफू विस्वस्त रहेको गायक मनिष श्रेष्ठले बताए । नयाँ विशेष बनाउनसक्ने किसिमको गीत भएको बताउँदै उनले आफ्नो लागि पनि यो गीत विशेष रहेको बताए ।
बासु बरालको छायाँकन, सियोन श्रेष्ठ कोरियोग्राफी शिलन लम्सालको सम्पादन रहेको गीतलाई आकर्षक रुपमा तयार गरिएको छ । भिडियोमा सुशान्त खत्री प्रदिप लामा सन्तोशी कार्की, रोशनी तामाङ्ग ,सानू कार्की, गणेश पराजुली ,राम कडेल र मनिष श्रेष्ठको पनि अभिनय हेर्न सकिन्छ ।
यो समाचार नयुज २४ नेपालबाट लिईएको हो।
