काठमाडौं । गायिका सुशीला बरालको सुमधुर स्वरमा समावेश ‘तिमीलाई हेरेर’ गीतको म्युजिक भिडियो सार्वजनिक भएको छ । प्रेमिल शैलीको यस गीतमा स्वयम् गायिका बरालको शब्द, संगीत रहेको छ । यस गीतलाई महाराज थापाले संगीत संयोजन गरेका हुन् ।
गायिका बरालको वास्तविक जीवन कथामा आधारित यस गीतको म्युजिक भिडियोमा स्मारिका ढकाल र रञ्जित पौडेल फिचर्ड छन् । माधव बेलबासेको सम्पादन रहेको यस भिडियोलाई अमृत सुनुवारको छायाङ्कन र निर्देशनमा तयार पारिएको हो ।
भिडियोको कथा आयाम पौडेलले लेखेका हुन् । गायिका बरालको च्यानल ‘सुशीला बराल अफिसिएल’मार्फत् भिडियो सार्वजनिक भएको हो ।
संगीतकी विद्यार्थीसमेत रहेकी गायिका बरालका यसअघि ‘जुनी जुनी’, ‘तिम्ले आँखाको इसाराले’लगायातका गीतहरु सार्वजनिक भइसकेका छन् । म्युजिक भिडियोलाई दर्शक स्रोताबाट सकारात्मक प्रतिक्रिया प्राप्त भइरहेको छ ।
गायिका बरालले आफ्नो भिडियोलाई माया गरिदिन सबैलाई आग्रह गरेकी छिन्।
यो समाचार नयुज २४ नेपालबाट लिईएको हो।
