काठमाडौं । बलिउड अभिनेता सिद्धार्थ मल्होत्रा र कियारा आडवाणी बलिउडका चर्चित जोडीमध्ये एक हुन् । लामो समयदेखि यो जोडी प्रायः सँगै देखिदै आएका छन् ।
सिद्धार्थ र कियाराको ब्रेकअप
केही समय अगाडि सिद्धार्थ (सिद्धार्थ मल्होत्रा) र कियारा (कियारा आडवाणी) चाँडै नै विवाह बन्धनमा बाँधिदैछन् भन्ने खबरसमेत आएको थियो । तर, अहिले उनीहरुको ब्रेकअप भएको खबर बाहिर आएको छ ।
बलिउड लाइफ स्रोतका अनुसार सिद्धार्थ र कियारा आ–आफ्नो बाटो लागेका छन् । यो जोडीले एकअर्कालाई भेट्न छोडेका छन् । तर, हालसम्म पनि ब्रेकअपको कारण भने खुल्न सकेको छैन ।
स्रोतले भनेको छ, ‘सिद्धार्थ र कियाराको बन्डिङ निकै राम्रो थियो । उनीहरु दुवैले भाँडै विहे गर्ने सोच बनाएका थिए । तर, अहिले उनीहरुको बीचमा के भयो जसका कारण उनीहरुले अलग हुने निर्णय गरेका छन् । हामी आशा गर्दछौं कि उनीहरूबीचको दरारहरू समाधान होस् ’
कियारा र सिद्धार्थको फिल्म
सिद्धार्थ मल्होत्रा र कियारा आडवाणीले फिल्म ‘शेरशाह’ मा सँगै काम गरेका थिए, जसमा उनीहरुको केमेस्ट्री निकै रुचाइएको थियो । अब सिद्धार्थ मल्होत्रा निर्देशक रोहित शेट्टीको कप वेब सिरिजमा देखिने भएका छन् ।
यसबाहेक उनीसँग ‘मिशन मजनु’, ‘योधा’ र ‘थ्याङ्क गॉड’ जस्ता फिल्म छन् । योसँगै कियारा आडवाणीको फिल्म ‘भूल भुलैया २’ रिलिजको तयारीमा छ, जसमा उनी अभिनेता कार्तिक आर्यनसँग स्क्रिन सेयर गर्दैछिन् ।
यो समाचार नयुज २४ नेपालबाट लिईएको हो।
