काठमाडौं । गायक पवन गिरीको स्वर, शब्द र संगीतमा रहेको ‘माया बस्यो है’ गीतको म्युजिक भिडियो सार्वजनिक भएको छ ।
प्रेमिल शैलीको यस गीतलाई बृजेश श्रेष्ठले संगीत संयोजन गरेका हुन् । युवा प्रेम र आकर्षणलाई प्रस्तुत गरिएको भिडियोमा बिष्णु खरेल र शाक्षी लम्सालबीचको अनस्क्रीन प्रेम र रोमान्स देख्न सकिन्छ।
राज पोख्रेलले छायाङ्कन गरेको यस भिडियोलाई बिकाश दाहालले सम्पादन गरेका हुन् । अनुप चापागाईँको निर्देशनमा भिडियो तयार पारिएको हो ।
भिडियो गायक गिरीको आधिकारिक च्यानल ‘पवन गिरी अफिसिए’मार्फत सार्वजनिक भएको हो । यसअघि गायक गिरीको स्वरमा रहेको ‘बधाई छ’, ‘मिल्टेरिको जुत्ता’, ‘म जे छु’, ‘मलाई एकछिन देउ’ लगायत थुप्रै गीतहरु सार्वजनिक भइसकेका छन् ।
निर्माण टिमले भिडियोलाई हेरेर प्रतिक्रिया दिन सबैलाई आग्रह गरेको छ।
यो समाचार नयुज २४ नेपालबाट लिईएको हो।
