काठमाडौं । शहनाज गिलले जुन सपना लिएर मुम्बई आएकी थिइन्, अब उनको त्यो सपना साकार हुने भएको छ । सुपरस्टार सलमान खानसँगको ‘कभी ईद कभी दिवाली’ पछि उनको पोल्टामा अर्को फिल्म पनि परेको छ ।
अहिले उनले निर्माता रिया कपूरको नयाँ फिल्म साइन गरेकी छन् । यो फिल्मको छायांकन छिट्टै सुरु हुँदैछ, जसका लागि शहनाज निकै खुसी र उत्साहित छन् ।
अगस्टमा छायांकन सुरु हुने
शहनाज गिलसँगको फिल्मको सुटिङ अगस्टमा सुरु हुने बताइएको छ । फिल्मको नाम भने हालसम्म पनि खुलाइएको छैन । तर, यो फिल्ममा अनिल कपुर र भूमि पेडनेकर पनि मुख्य भूमिकामा रहनेछन् ।
फिल्मको कथा र कलाकारको भूमिकाको बारेमा पनि हालसम्म पनि जानकारी गराइएको छैन तर मिडिया पापाराजीसँगको भेटमा शहनाजले आफ्नो खुसी लुकाउन सकिनन् । यो फिल्मको छायांकन भारतबाहिर हुने भनिएको छ, जसका लागि कास्ट र क्रु छिट्टै छाड्ने तयारी भइरहेको छ ।
यसअघि शहनाज सलमान खानको फिल्म ‘कभी ईद कभी दिवाली’को हिस्सा बन्न पाउँदा निकै खुसी थिइन् । फिल्मको शहनाजले छायांकन पनि गरेकी छिन् । शहनाज गिलले मुम्बई आउने बेल्ँ हिरोइन बन्ने सपना बोकेकी थिइन् ।
त्यस्तै उनको भाग्य बिग बोस–१३ ले परिवर्तन गरिएको छ । यस रियालिटी शोमा पुगेर शहनाजले दर्शकको मनमा फरक छाप छोडेकी छिन् । मानिसहरूले उनलाई निकै रुचाएका थिए ।
यो समाचार नयुज २४ नेपालबाट लिईएको हो।
